Տեր Պսակ քահանա Մկրտչյանը հանդես է եկել հայտարարությամբ՝ անդրադառնալով Կանազի հոսպիտալի Սուրբ Գրիգոր Նարեկացի եկեղեցում Սուրբ Պատարագների դադարեցմանը։
Քահանան նշել է, որ վերջին օրերին բազմաթիվ քաղաքացիներից ստացել է զանգեր և հաղորդագրություններ՝ խնդրի վերաբերյալ պարզաբանում ստանալու նպատակով։
Նրա փոխանցմամբ՝ Պաշտպանության նախարարի հրամանով լուծարվել է ՀՀ Զինված ուժերում շուրջ 20 և ավելի տարի գործող Հոգևոր առաջնորդությունը։ Այդ որոշման արդյունքում հոգևորականները ազատվել են իրենց պարտականություններից, ինչի հետևանքով այլևս չեն մատուցվելու Սուրբ Պատարագներ նշված եկեղեցում։
Հայտարարության ավարտին Տեր Պսակ քահանա Մկրտչյանը նշել է․ «Աստված զորացնի մեր Եկեղեցին, մեր Հայրենիքը և մեր Բանակը»։
