Արագածոտնի թեմը տեղեկացնում է, որ փետրվարի 5-ին՝ ժամը 19:00-ին, Արագածոտնի թեմի Կոշի Սուրբ Գևորգ եկեղեցում կկատարվի միասնական ժամերգություն և միասնական աղոթք։
Ժամերգության ընթացքում հավատացյալները միասնական աղոթքով կդիմեն Աստծուն՝ հանիրավի անազատության մեջ գտնվող Առաջնորդ Մկրտիչ Սրբազանի, Միքայել Սրբազանի, Բագրատ Սրբազանի, Արշակ Սրբազանի և Գարեգին քահանայի համար, ինչպես նաև անազատության և գերության մեջ գտնվող մեր զավակների ազատության ու վերադարձի համար։
Միասնական աղոթք կբարձրացվի նաև Հայ Առաքելական Սուրբ Եկեղեցու անսասանության, հայրենիքի բարօր ընթացքի և ամբողջ ազգի խաղաղ ու ապահով ապագայի համար։
Արագածոտնի թեմը կոչ է անում հավատացյալներին մասնակցել ժամերգությանը և իրենց աղոթական ներկայությամբ զորացնել համատեղ աղոթքը։
