ԼՀԿ ղեկավար Էդմոն Մարուքյանը գրել է.
«Մենք ունենք ատոմակայան, որը տալիս է մեզ էներգետիկ անկախություն եւ անվտանգություն։
Իսկ ի՞նչ են ուզում մեր թշնամիները. նրանք ցանկանում են, որպեսզի մենք փակենք մեր ատոմակայանը ու դրա համար սոուս է պետք, ասել է թե՝ «մոդուլային ատոմակայան»։ Աշխարհում գործող մոդուլային ատոմակայան գոյություն չունի, միայն սուզանավի վրա կա այդպիսի բան։ Հիմա արդյո՞ք սա զուտ ինժեներական որոշում է, թե՞ աշխարհաքաղաքական հրահանգ՝ ուղղված Ռուսաստանի հետ ատոմային կապերի վերջնական խզմանը։
ՄԱԿ-ի փորձագետները պնդում են՝ Հայաստանը գտնվում է Արևմուտքի ճնշման տակ, իսկ Փաշինյանի կաբինետը զոհաբերում է մեր էներգետիկ ինքնիշխանությունը։ Այն ժամանակ, երբ Թուրքիան ռուսական միջոցներով կառուցում է հզոր «Աքքույու» ատոմակայանը, Հայաստանը կանգնած է սեփական ռազմավարական օբյեկտը փակելու և թշնամուց կախվածության մեջ ընկնելու վտանգի առջև»։
