Ներքին գործերի նախարար Արփինե Սարգսյանը փետրվարի 7-ին ՆԳՆ-ում անցկացրել է օպերատիվ խորհրդակցություն, որի ընթացքում ամփոփվել են Ոստիկանության 2025 թվականի օպերատիվ-ծառայողական գործունեության արդյունքները։
Խորհրդակցության ընթացքում զեկույցներով հանդես են եկել ՆԳՆ ոստիկանության պետը և նրա տեղակալները՝ ներկայացնելով իրենց ոլորտներում իրականացված աշխատանքներն ու գրանցված ցուցանիշները։
ՆԳ նախարար Արփինե Սարգսյանը շնորհակալություն է հայտնել ոստիկանության անձնակազմին կատարված ծավալուն աշխատանքի համար՝ ընդգծելով ոստիկանության բոլոր հիմնական ուղղությունների միջև համակարգված և արդյունավետ համագործակցության կարևորությունը։
Միաժամանակ նախարարն անդրադարձել է առկա խնդիրներին՝ հանձնարարելով կենտրոնանալ դրանց փուլային լուծումների վրա և հորդորելով ընթացիկ տարում պահպանել ու ամրապնդել արդեն իսկ արձանագրված դրական միտումները։
