Էփշթեյնն իր նամակագրություններում հիշատակել է Մակրոնի «բոյֆրենդին»

Ամերիկացի հայտնի ֆինանսիստ Ջեֆրի Էփշթեյնի գործին վերաբերող փաստաթղթերում հայտնաբերվել է Ֆրանսիայի առաջնորդ Էմանուել Մակրոնի «բոյֆրենդի» մասին, հաղորդում է ՌԻԱ Նովոստին՝ վկայակոչելով ԱՄՆ Արդարադատության նախարարության կողմից հրապարակված նյութերին։

«Ինձ ցույց տվեցին Մակրոնի բոյֆրենդի լուսանկարը։ Ախ… ինչպիսի երեսպաշտություն», — գրել է Էփշթեյնը իր էլեկտրոնային նամակներից մեկում։

Ի պատասխան Էփշթեյնի անանուն զրուցակիցը հարցրել է, թե արդյոք Ֆրանսիայի առաջնորդի ենթադրյալ զուգընկերը «զինվոր» է։ Ֆինանսիստն իր հերթին պնդել է, որ Մակրոնի «բոյֆրենդի» լուսանկարից բացի, իրեն ցույց են տվել նաև «այլ հետաքրքիր մանրամասներ»։

Էփշթեյնը մահացել է կալանքի տակ 2019 թվականին՝ երեխաների սեռական շահագործման մեղադրանքով դատավարությանը սպասելիս։ 2021 թվականին նրա օգնական Գիսլեն Մաքսվելը դատապարտվել է իրեն օգնելու համար։ ԱՄՆ Արդարադատության նախարարությունն այժմ հրապարակել է ֆինանսիստի արխիվը, որում ներկայացված են հայտնի դեմքեր, այդ թվում ՝ Բրիտանիայի նախկին արքայազն Էնդրյուն, նրա նախկին կինը՝ Սառա Ֆերգյուսոնը, Էմանուել Մակրոնը և այլ արևմտյան առաջնորդներ:

Ավելի վաղ հաղորդվել էր, որ Էփշթեյնի էլեկտրոնային նամակներում քննարկումներ են եղել 2010 թվականին Սմոլենսկի մոտ Լեհաստանի նախագահ Լեխ Կաչինսկուն տեղափոխող ինքնաթիռի կործանման վերաբերյալ։