ՌԴ փոխվարչապետ Ալեքսեյ Օվերչուկը հայտարարել է հայկական երկաթուղու երկու հատվածների վերականգնման վերաբերյալ բանակցություններ սկսելու մասին։ Հայտնում է ՏԱՍՍ-ը։
«Ռուսաստանը և Հայաստանը գնահատում են երկու երկաթուղային հատվածների վերականգնման տեխնիկական և ֆինանսական պայմանները՝ դրանք Ադրբեջանի և Թուրքիայի երկաթուղիների հետ կապելու համար: Որոշումը կայացվել է հայկական կողմի խնդրանքից հետո: Երասխի և Ախուրյանի մոտ գտնվող երկաթուղային հատվածների ընդհանուր երկարությունը համապատասխանաբար 1.6 կմ և 12.4 կմ է:
Բանակցությունների ընթացքում կորոշվեն այս նախագծի իրականացման տեխնիկական, ֆինանսական և այլ եղանակները: Երկաթուղային հատվածների վերականգնումը Ռուսաստանին կապահովի ուղիղ երկաթուղային կապ Նախիջևանի Ինքնավար Հանրապետության, Թուրքիային՝ Միջերկրական ծովի նավահանգիստներ մուտք գործելու, իսկ Իրանին՝ Պարսից ծոցի և Հնդկական օվկիանոսի նավահանգիստներ մուտք գործելու հետ»,-ասել է Օվերչուկը:
