Հեռուստացույցի առջև քնելու սովորությունը կարող է հանգեցնել սրտանոթային հիվանդությունների և շաքարախտի զարգացման ռիսկի մեծացման, քանի որ լուսավորությունը, ներառյալ էկրանների լույսը, վնասում է սրտանոթային համակարգի աշխատանքը և մեծացնում ինսուլինի նկատմամբ դիմադրությունը: Այս մասին հայտնի է դարձել Proceedings of the National Academy of Sciences պարբերականում հրապարակված հետազոտությունից։
«Այս ուսումնասիրության արդյունքները ցույց են տալիս, որ քնի ընթացքում սենյակի չափավոր լուսավորության ազդեցության ընդամենը մեկ գիշերը կարող է խաթարել գլյուկոզայի և սրտանոթային համակարգի կարգավորումը, որոնք սրտանոթային հիվանդությունների, շաքարախտի և նյութափոխանակության համախտանիշի զարգացման ռիսկի գործոններ են»,-բացատրել է ուսումնասիրության համահեղինակ և Չիկագոյի համալսարանի քնի բժշկության բաժնի ղեկավար Ֆիլիս Զին։
Ավելին, առողջական խնդիրներ կարող են առաջանալ ինչպես մթնշաղից, այնպես էլ սենյակում ավելի պայծառ լույսից, հաղորդում է հրատարակությունը։
Սննդաբան Քրիստինա Վոյգտի խոսքով՝ հեռուստացույցի կամ համակարգչի առջև ուտելը հանգեցնում է քաշի ավելացման և ստամոքս-աղիքային խնդիրների: Մասնագետը նշել է, որ այս սովորությունը հանգեցնում է սննդի անբավարար ծամելու և մարսողական խնդիրների:
