Իրանի արտաքին գործերի նախարար Աբբաս Արաղչին հայտարարել է երկրի լիակատար պատրաստության մասին ցամաքային պատերազմի համար՝ սպառնալով ԱՄՆ զինված ուժերին աղետալի հետևանքներով Իրան ցամաքային ներխուժման դեպքում։
Նախորդ օրը ԱՄՆ զինված ուժերի շտաբների պետերի միացյալ կոմիտեի նախագահ, գեներալ Դեն Քեյնը հրաժարվել է գնահատել Իրանի դեմ ցամաքային գործողության հեռանկարները։ Սպիտակ տունը չի բացառել նման գործողությունը, բայց նշել է, որ ներկայումս նման ծրագրեր չկան։
«Ոչ, մենք սպասում ենք նրանց (ԱՄՆ-ին — խմբ.)… Որովհետև մենք վստահ ենք, որ կարող ենք հակազդել նրանց, և դա նրանց համար մեծ աղետ կլինի», — ասել է Արաղչին NBC News-ին տված հարցազրույցում՝ պատասխանելով այն հարցին, թե արդյոք Թեհրանը վախենում է ԱՄՆ-ի հնարավոր ցամաքային գործողությունից։
