«Washington Examiner»-ի լրագրողը հարցրել է ԱՄՆ նախագահին, թե արդյոք նա կարծում է, որ Իրանի հետ պատերազմը կբարձրացնի մրցանակը շահելու իր հնարավորությունները: «Չգիտեմ: Ես հետաքրքրված չեմ», — պատասխանել է Դոնալդ Թրամփը: Սպիտակ տան ղեկավարը նաև ասել է, որ Մերձավոր Արևելքում իրավիճակի սրումից ի վեր չի բարձրացրել այդ հարցը օտարերկրյա առաջնորդների հետ:
Հունվարին Թրամփը Նորվեգիայի վարչապետ Յոնաս Գահր Ստյորեին ուղղված նամակում գրել էր. «Հաշվի առնելով ձեր երկրի որոշումը՝ չշնորհել ինձ Նոբելյան խաղաղության մրցանակ ութ կամ ավելի պատերազմներ ավարտելու համար, ես այլևս պարտավորված չեմ զգում մտածել միայն խաղաղության մասին»: Ստյորեն պատասխանել է, որ Նորվեգիայի կառավարությունը որևէ առնչություն չունի Նոբելյան մրցանակների շնորհման հետ:
Վենեսուելայի ընդդիմության առաջնորդ Մարիա Կորինա Մաչադոն, ով անցյալ տարի արժանացել է Նոբելյան խաղաղության մրցանակին, հունվարի 15-ին Թրամփի հետ հանդիպումից հետո լրագրողներին ասել է, որ իր Նոբելյան մեդալը հանձնել է ԱՄՆ նախագահին՝ «ի նշան մեր ազատության նկատմամբ նրա եզակի նվիրվածության»: Սպիտակ տան ղեկավարը դա անվանել է «փոխադարձ հարգանքի ուշագրավ ժեստ»:
