Իշխանությունները և ընդդիմության որոշ ներկայացուցիչներ քննարկում են «Գյումրի-2» անել-չանելու, թողնել-չթողնելու հարցը։ Այս մասին գրել է «Ապրելու երկիր» կուսակցության համահիմնադիր Մեսրոպ Առաքելյանը։
«Առաջիկա ընտրություններին մասնակցող միակ ուժը, որը մի քանի անգամ ընտրություններով հաղթել է ՔՊ-ին, «Ապրելու երկիր»-ն է։
Փարաքար, Նոյեմբերյան, Ալավերդի, Տաթև։ Այս համայնքներում «Ապրելու երկիր» կուսակցությունը՝ թե՛ ինքնուրույն, թե՛ այլ ուժերի հետ արդյունավետ համագործակցության արդյունքում, հաղթել է ՔՊ-ին և իրականացրել բազմաթիվ ծրագրեր՝ ի նպաստ մեր քաղաքացիների։
Հունիսի 7-ի ընտրություններին մենք մասնակցում ենք մեզ տրված վստահությունը մեծացնելու ակնկալիքով՝ ստանձնելով ավելի մեծ պատասխանատվություն»։
