Ուկրաինացի բանակցողները մեկնում են Միացյալ Նահանգներ, որտեղ նրանք բանակցություններ կանցկացնեն շաբաթ օրը՝ մարտի 21-ին, հայտարարել է Ուկրաինայի նախագահ Վլադիմիր Զելենսկին։
«Բանակցություններում դադար է եղել, և ժամանակն է այն ավարտել։ Եվ մենք անում ենք ամեն ինչ, որպեսզի բանակցությունները լինեն իսկապես էական։ Ուկրաինական թիմը՝ բանակցային խմբի քաղաքական մասը, արդեն ճանապարհին է, և մենք սպասում ենք հանդիպումների Միացյալ Նահանգներում այս շաբաթ օրը», — Telegram-ում գրել է Զելենսկին։
Կրեմլում ավելի վաղ հաստատել էին, որ բանակցությունները դադարի փուլում են, քանի որ ամերիկյան կողմն «այլ առաջնահերթություններ» ունի: Դրանք կվերսկսվեն, երբ համաձայնեցվեն ժամանակացույցերը ամերիկացի միջնորդների հետ, նշել է Ռուսաստանի նախագահի մամուլի քարտուղար Դմիտրի Պեսկովը։
