Իրաքի անվտանգության ուժերի աղբյուրը Shafaq News-ին հայտնել է, որ ամերիկացի լրագրող Շելլի Քեթելսոնի առևանգողները նրան տարել են Բաբիլ նահանգ՝ Իրաքի կենտրոնում։
«Քեթելսոնին տեղափոխել են Բաբիլ նահանգ, այն բանից հետո, երբ առևանգողները փոխել են նրա տրանսպորտային միջոցը», — նշել է աղբյուրը։
Աղբյուրը նշել է, որ ամերիկացի լրագրողուհու առևանգման մեջ մեղադրվող կալանավորը կապեր ունի անվտանգության ուժերի հետ և ենթադրվում է, որ եղել է նրա անվտանգության ծառայության անդամ։ Աղբյուրի խոսքով՝ առևանգված լրագրողը, հավանաբար, վնասվածքներ է ստացել առևանգման պահին նրա մեքենայի վթարի հետևանքով։
Իրաքի անվտանգության ուժերի տվյալներով՝ առևանգողները փոխել են մեքենան ուղևորության կեսին՝ մեքենայի շրջվելուց հետո։
Ավելի վաղ Իրաքի Ներքին գործերի նախարարությունը հայտնել էր, որ անհայտ հարձակվողները երեքշաբթի օրը Բաղդադի կենտրոնում առևանգել են օտարերկրյա լրագրողին։ Ավելի ուշ հայտնի դարձավ, որ դա ամերիկացի լրագրող Շելլի Քեթելսոնն է, որը երկար տարիներ աշխատել է Իրաքում և գրում է տարբեր արևմտյան լրատվամիջոցների համար իրաքյան զինված խմբավորումների և Բաղդադի ու Վաշինգտոնի միջև հարաբերությունների մասին։
