Ամերիկացի միլիարդատեր և Microsoft-ի հիմնադիր Բիլ Գեյթսը հունիսի 10-ին Կոնգրեսում ցուցմունք կտա սեքս-առևտրի համար դատապարտված ֆինանսիստ Ջեֆրի Էփշտեյնի դեմ շարունակվող հետաքննության շրջանակներում, հայտնում է MS NOW հեռուստաալիքի լրագրողը՝ վկայակոչելով իրազեկ աղբյուրներին:
«Բիլ Գեյթսը պետք է ներկայանա Ներկայացուցիչների պալատի վերահսկողության հանձնաժողով՝ ցուցմունք տալու համար (Էփշտեյնի գործով – խմբ.) հունիսի 10 -ի արձանագրության տակ», — գրել է լրագրող Միքայել Շնելը X սոցիալական ցանցում:
Մարտի սկզբին Գեյթսն արդեն ցուցմունք է տվել նույն հանձնաժողովի անդամների առջև՝ Էփշտեյնի գործով շարունակվող հետաքննության վերաբերյալ։
Էփշտեյնի գործի վերաբերյալ նյութերի վերջնական արխիվի հրապարակումը հունվարի 30-ին լույս սփռեց Microsoft-ի հիմնադրի և հանգուցյալ ֆինանսիստի հարաբերությունների վերաբերյալ նոր մանրամասների վրա։ ԱՄՆ Արդարադատության նախարարության կողմից հրապարակված փաստաթղթերի համաձայն՝ անձնական նամակագրությունը պարունակում է տեղեկություններ Բիլ Գեյթսի՝ որոշակի կանանց հետ մտերիմ հարաբերությունները թաքցնելու փորձերի, ինչպես նաև տեղեկություններ այդ շփումների հետևանքները բուժելու համար դեղորայքի գաղտնի օգտագործման մասին։
