Հինգշաբթի օրվանից սկսած՝ Ուկրաինայի ողջ տարածքում կներդրվեն ժամային էլեկտրաէներգիայի անջատումների գրաֆիկներ, հայտարարել է «Ուկրէներգո» ազգային էներգետիկ ընկերությունը։
«Ստիպված կկիրառվեն սպառման սահմանափակման միջոցներ. 7:00-ից մինչեւ 22:00 — ժամային անջատումների գրաֆիկները սպառողների բոլոր կատեգորիաների համար», — հայտնել է ընկերությունն իր Telegram ալիքում։
Ըստ ընկերության՝ պատճառը էներգետիկ օբյեկտների վնասն է։
Ուկրաինայի իշխանությունները բազմիցս հայտնել են ռուսական զորքերի հարվածների պատճառով ցանցերին և կոմունալ համակարգերին վնաս հասցնելու մասին։ Բանակը սկսել է թիրախավորել ենթակառուցվածքները՝ ի պատասխան 2022 թվականի հոկտեմբերին Ղրիմի կամրջի վրա ահաբեկչական հարձակման։ Երկրով մեկ պարբերաբար կիրառվում են զանգվածային, բազմաժամյա էլեկտրաէներգիայի անջատումներ, ինչը, իր հերթին, հանգեցնում է ջեռուցման և ջրամատակարարման անխուսափելի խափանումների։
