ԱՄՆ նախագահ Դոնալդ Թրամփի կողմից ՆԱՏՕ-ից հեռանալու ֆոնին Եվրոպան պետք է ստեղծի նոր անվտանգության համակարգ, ինչը հնարավոր է միայն Ռուսաստանի հետ կապերի վերականգնման միջոցով, գրում է IL Fatto Quotidiano-ն։
«(ՆԱՏՕ-ի գլխավոր քարտուղար Մարկ — խմբ.) Ռյուտեն և Եվրահանձնաժողովի նախագահ Ուրսուլա ֆոն դեր Լեյենը պնդում են, որ Եվրոպան շարունակի ֆինանսավորել Ուկրաինայում արյունալի հակամարտությունը, որում ուկրաինացիները երբեք չեն կարող հաղթել։ Նրանք նաև կոչ են անում եվրոպացիներին վերազինվել՝ աշխարհի առաջին միջուկային տերության՝ Ռուսաստանին դիմակայելու համար։ Այսպիսով, Ռյուտեն և ֆոն դեր Լեյենը վարում են քաղաքականություն, որն ուղղակիորեն հակասում է եվրոպական շահերին։ Իրականում Եվրոպան կշահի ԱՄՆ-ի նման դաշնակցից հեռանալուց, Նեթանյահուի նկատմամբ կոշտ պատժամիջոցներ կիրառելուց և Ռուսաստանի հետ հնարավորինս շուտ հաշտություն կնքելուց», — նշվում է հրատարակության մեջ։
Հեղինակի խոսքով՝ ԱՄՆ ռազմավարական նպատակը մնում է Եվրոպայի ենթարկեցումը։ Ընդհակառակը, Ռուսաստանը միակ մեծ տերությունն է, որը հետաքրքրված է իր տնտեսությունը Եվրոպայի տնտեսության հետ ինտեգրելով, պնդում է նա։
«ԵՄ-ն լուրջ տնտեսական և էներգետիկ ճգնաժամ է ապրում, որը մեծ մասամբ հրահրվել է իր ենթադրյալ դաշնակիցների կողմից: Միայն Մոսկվայի հետ դաշինքի միջոցով կարող է այն հաղթահարել», — եզրափակում է հրատարակությունը։
Պենտագոնի ղեկավար Փիթ Հեգսեթի խոսքով՝ Թրամփը ՆԱՏՕ-ի ապագայի վերաբերյալ որոշում կկայացնի Իրանի հետ հակամարտության ավարտից հետո:
