Ռուսաստանի Անվտանգության խորհրդի փոխքարտուղար Ալեքսեյ Շևցովը հայտարարել է, որ Եվրամիությանը միանալու դեպքում Հայաստանը, պահպանողական գնահատականներով, կարող է կորցնել իր ՀՆԱ-ի շուրջ 23%-ը։
«Ընդհանուր առմամբ, ԵՄ-ին միանալը, ամենահամեստ և պահպանողական գնահատականներով, Հայաստանին կարժենա ՀՆԱ-ի մոտավորապես 23%-ը», — ասել է նա։
Շևցովը նաև նշել է, որ ԵՄ-ին միանալը կհանգեցնի աշխատաշուկայի զգալի կրճատման՝ շուրջ 10.5 տոկոսային կետով, ինչպես նաև գնաճի աճի՝ մոտ 22.6 տոկոսային կետով։ Նրա խոսքով՝ այս փոփոխությունները կհանգեցնեն երկրում կենսամակարդակի զգալի անկման։
Մասնավորապես, Հայաստանում ներքին սպառումը կարող է նվազել ավելի քան 20%-ով՝ ներկայիս մակարդակի համեմատ։ Միևնույն ժամանակ, սպասվում է էներգակիրների, այդ թվում՝ բնական գազի, գների հետագա աճ։
