ԱՄՆ նախագահ Դոնալդ Թրամփը դժկամությամբ է թույլատրում Իրանի վրա նոր հարձակումներ, հաղորդում է The Wall Street Journal-ը՝ հղում անելով ԱՄՆ պաշտոնյաներին։
«Թրամփը դժկամությամբ է վերսկսում Իրանի վրա հարվածները, բայց բաց է մնում այդ տարբերակի համար», — նշվում է հոդվածում։
Պաշտոնյաների խոսքով՝ նախագահը երեքշաբթի օրը Սպիտակ տանը կայացած հանդիպումների ժամանակ խորհրդականներին հարցրել է Թեհրանի դեմ հնարավոր գործողությունների մասին։
Նախորդ երեկոյան ԱՄՆ-ն հայտարարել էր Իրանի հետ հրադադարի երկարաձգման մասին։ Թրամփը բացատրել է, որ հրադադարը ուժի մեջ կմնա մինչև Թեհրանը պատրաստի կարգավորման առաջարկ, և երկու կողմերը բանակցություններ սկսեն։
Այսօր նախատեսված էր նոր հանդիպում, սակայն Իրանը հրաժարվել է մասնակցել։ Իրանական լրատվամիջոցները հայտնել են, որ Թեհրանը շփումները համարել է ժամանակի վատնում, քանի որ Վաշինգտոնը խոչընդոտում է երկու կողմերի համար ընդունելի գործարքին։ Երկիրը դժգոհ է Հորմուզի նեղուցի շրջափակումից և ԱՄՆ անիրատեսական պահանջներից։
Tasnim լրատվական գործակալության փոխանցմամբ՝ Իրանը դեռևս որոշում չի կայացրել մոտ ապագայում բանակցությունները վերսկսելու վերաբերյալ։
