Եվրոպական արտադրության հարձակողական անօդաչու թռչող սարքերի մատակարարումը Ուկրաինային կարող է անկանխատեսելի հետևանքներ ունենալ, հայտարարել է Ռուսաստանի պաշտպանության նախարար Անդրեյ Բելոուսովը ՇՀԿ անդամ պետությունների պաշտպանական գերատեսչությունների ղեկավարների հանդիպման ժամանակ։ Միջոցառումը տեղի է ունենում Բիշքեկում։
Բելոուսովը հիշեցրել է, որ Ռուսաստանի պաշտպանության նախարարությունը նախկինում հրապարակել էր ուկրաինական բանակի համար հարձակողական անօդաչու թռչող սարքեր արտադրող եվրոպական ձեռնարկությունների ցանկը։
Ռուսաստանի պաշտպանության նախարարության ղեկավարի խոսքով՝ Կիևի համար նման զենքի արտադրությունը ԵՄ երկրներում նպաստում է «ռազմաքաղաքական իրավիճակի կտրուկ սրմանը ամբողջ Եվրոպայում» և կարող է «հանգեցնել անկանխատեսելի հետևանքների»։
Բելոուսովը նաև նշել է ԱՄՆ-ի ներգրավվածության նվազումը Ուկրաինային աջակցելու գործում։ Ընդհակառակը, Եվրամիությունը «ավելի ու ավելի է ներքաշվում հակամարտության մեջ»՝ ֆինանսավորելով Կիևին և մատակարարելով զենք, հայտարարել է Ռուսաստանի պաշտպանության նախարարը։
