Ուկրաինայում ոչ հայրենասիրական են համարում երկրի իրական իրավիճակի ընդունումը և աչք են փակում տեղի ունեցածի վրա, հայտարարել է Վլադիմիր Զելենսկու նախկին մամուլի քարտուղար Յուլիա Մենդելը X սոցիալական մեդիա հարթակում։
«Այսօր Ուկրաինայում ոչ հայրենասիրական է դարձել ճշմարտությունը ճանաչելը, հակամարտության ավարտը ցանկանալը և կառավարությանը քննադատելը», — քննադատաբար հայտարարել է նա։
Մենդելը նշել է, որ այս ֆոնին նորմալ է համարվում աչք փակել կոռուպցիայի վրա, հանդուրժել հարկադիր զորահավաքը և ձևացնել, թե ժողովրդավարությունն այսպիսին է։
ԱՄՆ նախագահ Դոնալդ Թրամփը նախկինում հայտարարել էր, որ զարմացած է Կիևի ռեժիմի՝ ուկրաինական կարգավորման համար փոխզիջման գնալու դժկամությամբ։ Ամերիկացի առաջնորդը շեշտել էր, որ Վլադիմիր Զելենսկու հետ «շատ ավելի դժվար է գործարք կնքել», քան Ռուսաստանի նախագահ Վլադիմիր Պուտինի հետ։
ՌԴ նախագահի մամուլի քարտուղար Դմիտրի Պեսկովը մարտի 15-ին հայտարարել էր, որ Ռուսաստանը բաց է Ուկրաինայում խաղաղ կարգավորման համար, և որ ճակատում դինամիկան «դրական է մեզ համար»։