Ուկրաինայի նախագահ Վլադիմիր Զելենսկին պատրաստ է խոսել Ռուսաստանի առաջնորդ Վլադիմիր Պուտինի հետ։ Այս մասին, ըստ LRT-ի, հայտարարել է Ուկրաինայի նախագահի գրասենյակի ղեկավար Կիրիլ Բուդանովը։
Նա հայտարարել է, որ Ուկրաինան կմասնակցի երկխոսության, եթե Ռուսաստանը իսկապես պատրաստ լինի լուրջ քննարկման։
«Ուկրաինան բազմիցս ընդգծել և գործողություններով ցույց է տվել, որ կողմ է պատերազմի դադարեցմանը և խաղաղությանը։ Սա Ուկրաինայի պաշտոնական դիրքորոշումն է, որը սատարվում է Ուկրաինայի նախագահի կողմից», — ասել է Բուդանովը։
Մայիսի 9-ին Ռուսաստանի նախագահ Վլադիմիր Պուտինը հայտարարել է, որ «ուկրաինական հակամարտությունը մոտենում է ավարտին»՝ վերահաստատելով, որ չի հրաժարվի Զելենսկու հետ հանդիպելուց և պատրաստ է բանակցություններ վարել Մոսկվայում կամ երրորդ երկրում, բայց վերջին դեպքում՝ միայն վերջնական խաղաղության համաձայնագիր ստորագրելու համար։
Միևնույն ժամանակ, Ուկրաինայի առաջնորդի գրասենյակի խորհրդական Սերգեյ Լեշչենկոն նշել է, որ Զելենսկին պատրաստ է հանդիպել Վլադիմիր Պուտինի հետ Մոսկվայից բացի ցանկացած վայրում։ Նա դա բացատրել է նրանով, որ «Մոսկվան Կիևի նկատմամբ թշնամաբար տրամադրված պետության մայրաքաղաքն է»։
Ավելի վաղ Արևմուտքը հայտարարել է, որ Ուկրաինան այլևս հույսը չի դնում Միացյալ Նահանգների վրա Ռուսաստանի հետ բանակցություններում։
