Ազատ արձակվելուց ի վեր՝ Վիգէնը Երևանում անցնում է բուժման ծավալուն ծրագիր՝ գերության ընթացքում ձեռք բերած առողջական խնդիրների համար։ Նրան պաշտոնապես տրվել է հաշմանդամության 3-րդ կարգ։ Այս մասին նշված է Free Armenian Hostages ֆեյսբուքյան էջում։
«Ծանր քրոնիկ հիվանդությունների, սահմանափակ շարժունակության, լսողության կորստի և սիրտ-անոթային ռիսկերի պատճառով՝ նա շարունակում է բախվել լուրջ դժվարությունների առօրյա կյանքում և աշխատանքային հարցերում։
Չնայած պետական մարմիններին ուղղված բազմաթիվ դիմումներին՝ Վիգէնը չունի կայուն կացարան և ապավինում է ընկերների ու հարազատների աջակցությանը։ Լիբանանում բնակվող նրա ընտանիքը դժվարությամբ է հոգում նույնիսկ նրա բժշկական ծախսերը: Հայաստանում Վիգէնը միայնակ է անցնում բժշկական գործընթացով։
Քանի որ ՀՀ կառավարությունը մինչ օրս չի տրամադրել համապատասխան վերականգնողական և բնակարանային աջակցություն, «Աղմուկ» կոլեկտիվը (Aghmoog Collective) նախաձեռնել է այս հրատապ հանգանակությունը՝ հոգալու Վիգէնի կացարանի ծախսերը բուժման ողջ ընթացքում»։
