Թրամփի դեմ ևս մեկ մահափորձ․ ԱՄՆ արդարադատության նախարարության հայտարարությունը

Սպիտակ տան մոտ տեղի ունեցած կրակոցները ԱՄՆ նախագահ Դոնալդ Թրամփի դեմ մահափորձ էին։ Այս մասին հայտնել է ABC News-ը՝ հղում անելով Արդարադատության նախարարությանը։

«Արդարադատության նախարարության հայտարարությունը շաբաթ օրը Փենսիլվանիա պողոտայում տեղի ունեցած կրակոցները անվանել է նախագահ Դոնալդ Թրամփի դեմ ևս մեկ մահափորձ», — ասվում է հաղորդագրության մեջ։

Նախարարությունը նաև ընդգծել է, որ հարձակվողը փորձել է սպանել նախագահին, նրա ընտանիքին և աշխատակազմին։ Հարձակվողը պայուսակից հանել է խոշոր տրամաչափի զենք և կրակ բացել Սպիտակ տան ուղղությամբ։

ABC News-ի լրագրող Սելինա Վանը մայիսի 23-ին հայտնել է, որ Վաշինգտոնում, Սպիտակ տան մոտ կրակոցներ են լսվել։ NBC-ի թղթակից Ջուլի Ցիրկինը հավելել է, որ այդ պահին լսվել է «մոտավորապես 20-30» կրակոց։ Նրա խոսքով՝ Գաղտնի ծառայության գործակալները մարդկանց հրահանգել են լքել հյուսիսային մարգագետինը և թաքնվել մամուլի ասուլիսի սենյակում։

Հետաքննությունների դաշնային բյուրոյի (FBI) գործակալները ավելի ուշ ժամանել են դեպքի վայր։ Fox News-ը հայտնել է, որ կրակողը ծանր վիճակում է, և ավելի ուշ հաղորդվել է, որ նա մահացել է հիվանդանոցում։ NBC News-ը պարզաբանել է, որ Սպիտակ տան մոտ կրակոցներ կատարելու մեջ կասկածվող տղամարդը նույնականացվել է որպես Նասիր Բեսթ։ Հայտնի է, որ նա հոգեկան առողջության հետ կապված խնդիրներ է ունեցել ։