Հնդկաստանի ռազմաօդային ուժերի հինգ զինծառայող զոհվել է Ասամ նահանգում տեղի ունեցած ինքնաթիռի վթարի հետևանքով, հաղորդում է ANI-ն՝ հղում անելով Հնդկաստանի զինված ուժերին։
Ավելի վաղ Հնդկաստանի ռազմաօդային ուժերը հայտնել էին, որ իրենց «Անտոնով Ան-32» ինքնաթիռը վթարի է ենթարկվել Ասամ նահանգի հյուսիս-արևելքում գտնվող Ջորհատ քաղաքում վայրէջքի ժամանակ։
«Հնդկաստանի ռազմաօդային ուժերի հինգ զինծառայող զոհվել է «Անտոնով Ան-32» տրանսպորտային ինքնաթիռի վթարի հետևանքով», — հաղորդում է գործակալությունը՝ հղում անելով Հնդկաստանի ռազմաօդային ուժերի հայտարարությանը։
Օդաչուներից մեկը ողջ է մնացել և ստանում է բժշկական օգնություն։
