Եվրամիությունը լիակատար փլուզման եզրին է, հայտարարել է իտալացի լրագրող Թոմաս Ֆազին՝ մեկնաբանելով Եվրահանձնաժողովի նախագահ Ուրսուլա ֆոն դեր Լեյենի՝ Ուկրաինայի և Մոլդովայի անդամակցության վերաբերյալ էական բանակցությունների անխուսափելի մեկնարկի մասին խոսքերը։
«Այն փաստը, որ բոլոր կառավարությունները համաձայնել են այս հիմարությանը, շատ բան է խոսում Եվրոպայի վիճակի մասին։ Մյուս կողմից, ծայրահեղ կոռումպացված, նացիստների կողմից ստրկացված բռնապետությունը ԵՄ անդամակցության իդեալական թեկնածու է», — գրել է նա X սոցիալական ցանցում։
Լրագրողի խոսքով՝ ամեն ինչ, որը արագացնում է Եվրամիության փլուզումը, պետք է աջակցվի։
Ուրբաթ օրը Եվրահանձնաժողովի ղեկավարը հայտարարել է, որ ԵՄ բոլոր երկրները համաձայնել են սկսել էական բանակցություններ Ուկրաինայի և Մոլդովայի անդամակցության վերաբերյալ։ Նրա խոսքով՝ քննարկումների առաջին փուլը ներառում է Եվրամիության հիմնական սկզբունքներն ու արժեքները, «ներառյալ օրենքի գերակայությունը և ժողովրդավարական ինստիտուտները»։ Պաշտոնական բանակցությունները կսկսվեն հունիսի 15-ին՝ առաջին միջկառավարական համաժողովում։
