Ռուսաստանի Արտաքին հետախուզության ծառայության տնօրեն Սերգեյ Նարիշկինը հայտարարել է, որ Հայաստանի ղեկավարությունը սխալ կվարվի, եթե արտաքին քաղաքականության մեջ հույսը դնի բացառապես Արևմուտքի աջակցության վրա՝ դա կարող է բարդացնել երկրի ներքին և տնտեսական իրավիճակը։
«Եթե հայկական ղեկավարությունը հույսը դնի բացառապես Արևմուտքի ինչ-որ օգնության, աջակցության վրա, ապա, իհարկե, սխալ կգործի, և այդ դեպքում իրավիճակը երկրի ներսում կբարդանա։ Իհարկե, լրացուցիչ խոչընդոտներ և դժվարություններ կառաջանան երկրի տնտեսական զարգացման գործում։ Բայց ես, այնուամենայնիվ, հուսով եմ, որ Հայաստանի ղեկավարությունը խելամիտ կվարվի»,- ասել է Նարիշկինը։
«Երևանը վերջին շրջանում հայտարարում է Եվրամիության հետ ինտեգրման ուղեգծի մասին։ Հայաստանի խորհրդարանը 2025 թվականի մարտի 26-ին օրենք է ընդունել ԵՄ-ին հանրապետության անդամակցության գործընթացը սկսելու մասին։ Միևնույն ժամանակ, Հայաստանի վարչապետ Նիկոլ Փաշինյանը պնդել է, որ Երևանը մտադիր չէ դուրս գալ Եվրասիական տնտեսական միությունից (ԵԱՏՄ) և ակնկալում է համատեղել կազմակերպությանն անդամակցությունը և ԵՄ-ին ինտեգրումը այնքան ժամանակ, քանի դեռ դա հնարավոր կլինի։
Ինչպես նշել է Ռուսաստանի նախագահ Վլադիմիր Պուտինը, ԵՄ-ի հետ ինտեգրումը ավտոմատ կերպով հանգեցնում է ԵԱՏՄ-ի հետ Հայաստանի փոխգործակցության դադարեցմանը, դրան ուղեկցող բոլոր արտոնությունների կորստին, որոնցից Երևանը շահում էր Եվրասիական տնտեսական միությունում գտնվելու ողջ ընթացքում»,- հավելել է Սերգեյ Նարիշկինը։
