ԱՄՆ նախագահ Դոնալդ Թրամփը կարծում է, որ Մեծ Բրիտանիայի վարչապետ Քիր Սթարմերը հրաժարական կտա իր ներգաղթի և էներգետիկ քաղաքականության ձախողումների ֆոնին։
«Քիր Սթարմերը հրաժարական կտա Մեծ Բրիտանիայի վարչապետի պաշտոնից։ Նա խայտառակ կերպով ձախողվել է երկու շատ կարևոր հարցերում՝ ներգաղթ և էներգետիկա», — գրել է Թրամփը TruthSocial սոցիալական ցանցում։
Ավելի վաղ Մեծ Բրիտանիայի բիզնեսի նախարար Փիթեր Քայլը հերքել էր լրատվամիջոցների այն տեղեկությունները, որ Սթարմերը մտադիր է հրաժարական տալ երկուշաբթի օրը։ Շաբաթ օրը Telegraph թերթը, հղում անելով աղբյուրներին, հայտնել էր, որ Սթարմերի դաշնակիցները համոզված են, որ նա պատրաստվում է հրաժարական տալ և կարող է այդ մասին հայտարարել արդեն երկուշաբթի օրը։
Մոտ 100 Լեյբորիստական կուսակցության պատգամավորներ կոչ են արել Սթարմերի հրաժարականը՝ մայիսին կայացած տեղական ինքնակառավարման մարմինների ընտրություններում կուսակցության պարտությունից հետո։ Նրանց թիվն աճեց այն բանից հետո, երբ Սթարմերի մրցակիցը՝ Մանչեսթերի քաղաքապետ Էնդի Բըրնհեմը, ուրբաթ օրը մտավ խորհրդարան՝ փորձելով տապալել վարչապետին։