Այսօր Ադրբեջանի տարածքով Ռուսաստանից Հայաստան է իրականացվել հերթական տարանցիկ մատակարարումը, հայտնում են ադրբեջանական լրատվամիջոցները:
408 տոննա քաշով 6 վագոն պարարտանյութ Բիլաջարի կայարանից ուղարկվել է Բյուք-Քյասիկի ուղղությամբ։
Հիշեցնենք, որ մինչ օրս Ռուսաստանից Հայաստան Ադրբեջանի տարածքով ուղարկվել է ավելի քան 33 հազար տոննա հացահատիկ, ավելի քան 7 հազար տոննա պարարտանյութ, 133 տոննա ալյումին, 68 տոննա հնդկաձավար և 414 տոննա անտրացիտ։ Տարանցմանը զուգահեռ Ադրբեջանից Հայաստան են արտահանվում նաև նավթամթերքներ։ Մինչ օրս Ադրբեջանից Հայաստան է արտահանվել ավելի քան 14 հազար տոննա դիզելային վառելիք, ավելի քան 4 հազար տոննա ԱԻ-92 և ԱԻ-95 բենզին։