Բելառուսը հետ է կանչում իր դեսպանին Հայաստանից: Այս մասին հայտնել են Բելառուսի ԱԳՆ-ից:
«Մենք բոլորս տեսնում ենք, թե որքան բարդ է ներքաղաքական իրավիճակը Հայաստանում, ինչ արագությամբ է սրվում առճակատումը երկրի ներսում: Չենք հասկանում՝ ի՞նչ կապ ունի Բելառուսը», – լրագրողների հետ զրույցում նշել է Բելառուսի ԱԳՆ մամուլի քարտուղար Անատոլի Գլազը։
Նրա խոսքով՝ Հայաստանի դեսպանատան ներկայացուցիչը հրավիրվել է ԱԳՆ՝ պարզաբանելու այս հարցը։
«Հաշվի առնելով իրավիճակի զարգացումը՝ մոտ ապագայում Մինսկ կժամանի նաև մեր դեսպանը Երևանից»,- ասել է Անատոլի Գլազը՝ ընդգծելով. «Եթե Հայաստանում ինչ-որ մեկը որոշել է արտաքին թշնամի ներկայացնելով՝ ուշադրությունը շեղել ներքին խնդիրներից, ապա դա շատ անհեռատես դիրքորոշում է»։
Այսօր ՀՀ ԱԳՆ-ն ևս հաղորդել է, որ Բելառուսում ՀՀ դեսպանը կանչվել է Երևան՝ խորհրդակցությունների նպատակով:
Նշենք, որ վարչապետ Նիկոլ Փաշինյանն այսօր հայտարարել էր, որ այս պահից սկսած՝ ՀՀ պաշտոնական ոչ մի ներկայացուցիչ Բելառուս չի այցելի
