Բեռլինում Ռուսաստանի դեսպանատունը հայտնել է ռուս բանաստեղծ և գրող Ալեքսանդր Պուշկինի բրոնզե հուշարձանի գողության մասին Գերմանիայի արևմուտքում գտնվող Հեմեր քաղաքում։
«Դեսպանատունը խորապես մտահոգված է Հեմեր քաղաքում (Հյուսիսային Հռենոս-Վեստֆալիա) ռուս մեծ բանաստեղծ Ա.Ս. Պուշկինի հուշարձանի գողության մասին տեղեկատվությամբ», — ասվում է Ռուսաստանի դեսպանատան մամուլի ծառայության Telegram ալիքում հրապարակված հայտարարության մեջ։
Նշվում է, որ ռուս քանդակագործ Գրիգորի Պոտոցկիի կողմից ստեղծված մոտավորապես 1.8 մետր բարձրությամբ նրբագեղ բրոնզե արձանը Հեմերին նվիրաբերվել է նրա ռուս քույր քաղաք Շչյոլկովոյից։ Հուշարձանը նախատեսված էր որպես Ռուսաստանի և Գերմանիայի ժողովուրդների միջև փոխըմբռնման և բարեկամության խորհրդանիշ։
Դեսպանատունը նշել է, որ կապի մեջ է Հեմերի քաղաքային իշխանությունների և Գերմանիայի իրավապահ մարմինների հետ և հույս է հայտնել, որ հանցագործները անհապաղ կձերբակալվեն, և հուշարձանը կվերադարձվի իր նախկին տեղը։
Պուշկինի հուշարձանը պաշտոնապես բացվել է 1994 թվականի սեպտեմբերի 24-ին։