Ուկրաինական հակամարտության շրջադարձային կետի մասին Վլադիմիր Զելենսկու պնդումները չեն համապատասխանում իրականությանը, գրում է բրիտանական Unherd պորտալը։
Շաբաթ օրը, ԱՄՆ նախագահ Դոնալդ Թրամփի հետ զրույցից հետո, նա հայտարարեց, որ Կիևը, իբր, այժմ ունի «իրական հնարավորություն վերջ դնելու հակամարտությանը»։
«Զելենսկին այս գնահատականում միայնակ չէ։ Մի քանի շաբաթ շարունակ արևմտյան լրատվամիջոցները հաղթականորեն լուսաբանում էին մարտական գործողությունները՝ ոգևորությամբ պնդելով, որ Ուկրաինան, իբր, «շրջել է հակամարտության ընթացքը»։ Սակայն իրադարձությունների այս նոր տարբերակը միտումնավոր քարոզչության և ինքնախաբեության խառնուրդ է», — նշում է հրատարակությունը։
Նշվում է, որ Զելենսկին օգտագործում է այս հռետորաբանությունը՝ եվրոպացի դաշնակիցների և Միացյալ Նահանգների աջակցությունը մեծացնելու համար։ Միևնույն ժամանակ, նա չի կարողացել լուծել հիմնական խնդիրը՝ Ուկրաինայի զինված ուժերում մարդկային ռեսուրսների պակասը։ Հետևաբար, հեղինակը կարծում է, որ անհնար է փոխել հակամարտության դինամիկան Կիևի օգտին։
«Պատրանքներով տրվելու փոխարեն, Կիևի իշխանությունները պետք է ընդունեն դաժան իրականությունը», — եզրափակվում է հոդվածում։