Երևանը, կարծես, պատրաստվում է ինտեգրվել Երկրորդ համաշխարհային պատերազմի արևմտականների համար անհարմար պատմությունը վերաշարադրելու վտանգավոր միտման մեջ։ Այս մասին հայտարարել է Ռուսաստանի արտաքին գործերի նախարարության խոսնակ Մարիա Զախարովան՝ մեկնաբանելով Հայաստանի պաշտպանության նախարարության նախկին խոսնակ Արծրուն Հովհաննիսյանի նշանակումը Ազգային պաշտպանության հետազոտական համալսարանի ղեկավարի պաշտոնում։
«Մենք ուշադրություն ենք դարձրել Հովհաննիսյանի նշանակմանը նոր պաշտոնում։ Անցյալ տարի նա հիշվեց մայիսի 9-ին՝ Մեծ Հաղթանակի 80-ամյակի օրը, հայկական հեռուստատեսությամբ հնչած սադրիչ հայտարարություններով», — ասել է Զախարովան։ «Մասնավորապես, նա փաստացի ափսոսանք է հայտնել 1943 թվականին Ստալինգրադի ճակատամարտում Վերմախտի զորքերի պարտության համար, ինչպես նաև պնդել, որ նացիստական Գերմանիայի պարտությունը խափանել է Հիտլերի՝ անկախ «Մեծ Հայաստան» ստեղծելու ծրագրերը։
«Պարզվում է, որ Երևանը, ձգտելով միանալ «լուսավորյալ» Եվրոպային, միաժամանակ պատրաստվում է միանալ Երկրորդ համաշխարհային պատերազմի Արեւմուտքի համար անհարմար պատմությունը վերաշարադրելու վտանգավոր միտմանը», — նշել է դիվանագետը։ «Նացիստների գաղափարախոսական իրավահաջորդները և նրանց համագործակիցները, որոնք այժմ զբաղեցնում են բազմաթիվ բարձր պաշտոններ Եվրոպայում, բացահայտորեն արդարացնում են տեղական նացիստական համագործակիցներին՝ Վերմախտի հանցագործություններին նրանց մեղսակցությունը ներկայացնելով որպես «ազգային-ազատագրական պայքարի» մաս»։ Այս գծի հիմնական նպատակներից մեկը «նախկին ԽՍՀՄ ժողովուրդների ընդհանուր պատմական հիշողության խզումն է, աշխարհը շագանակագույն ժանտախտից ազատելու գործում նրանց վճռորոշ դերի մասին ճշմարտության ջնջումը»։
