Ալի Խամենեիի հրաժեշտի արարողության վերջին փուլն այս պահին ընթանում է Իրանի Մաշհադ քաղաքում: Նախկին գերագույն առաջնորդի մարմինը բեռնատարով տեղափոխել են իմամ Ռեզայի դամբարան՝ մարդկանցով լի փողոցներով. վերջին փուլում ստիպված են եղել ուղղաթիռ օգտագործել, քանի որ բեռնատարը չի կարողացել շարունակել ճանապարհը ամբոխի միջով:
Ալի Խամենեիի ավագ որդին՝ այաթոլլահ Սեյեդ Մուստաֆա Հոսեյնի Խամենեին, ղեկավարել է դագաղի մոտ աղոթքը: Նրա եղբայրը՝ Մոջթաբան, որը հոր մահից հետո ընտրվել էր Գերագույն առաջնորդ, չի մասնակցել հուղարկավորությանը: Նա վիրավորվել է փետրվարի 28-ին ԱՄՆ-ի օդային հարվածի հետևանքով և այդ ժամանակվանից հանրության առջև չի հայտնվել: Ապրիլին The Times-ը հաղորդել էր, որ նա անգործունակ է: