Գերմանիայի վարչապետ Ֆրիդրիխ Մերցը պետք է զանգահարի Ռուսաստանի նախագահ Վլադիմիր Պուտինին, Bild-ի լրագրող Պաուլ Ռոնցհայմերի հետ հարցազրույցում ասել է Բունդեսթագի պատգամավոր Մարկուս Ֆրոնմայերը՝ «Գերմանիայի համար այլընտրանք» (AfD) աջակողմյան ընդդիմադիր կուսակցությունից։
«Վերջին Գերմանիայի կանցլերը, որը հեռախոսով խոսել է պարոն Պուտինի հետ, պարոն Շոլցն էր։ Ես կարծում եմ, որ Ֆրիդրիխ Մերցը, որպես Գերմանիայի կանցլեր, նույնպես կփնտրի երկխոսություն», — նշել է նա։
Խորհրդարանի անդամը նաև քննադատել է Ուկրաինային զենքի մատակարարումը, քանի որ դա կներգրավեր Բեռլինին հակամարտության մեջ։
«Ես ուզում էի, որ Գերմանիան դուրս մնար այս պատերազմից։ Նախ, մենք պետք է քննարկենք Գերմանիայի տեսանկյունից. արդյո՞ք մենք՝ գերմանացիներս, ցանկանում ենք ուղղակի բախման մեջ մտնել ռուսների հետ։ Սա հիմնարար հարց է», — ընդգծել է նա։
Ավելի վաղ Վլադիմիր Պուտինը, պատասխանելով լրագրողների հարցերին Ռուսաստանի և Եվրոպայի միջև բանակցություններում հնարավոր զրուցակցի մասին, կարծիք էր հայտնել, որ անձամբ կնախընտրեր Գերմանիայի նախկին կանցլեր Գերհարդ Շրյոդերին, բայց նշել էր, որ եվրոպացիների գործն է ընտրել այնպիսի առաջնորդի, որին վստահում են և որը Ռուսաստանի մասին ոչ մի տհաճ բան չի ասել։ Պուտինը շեշտել է, որ բանակցություններից հրաժարվել է ոչ թե Ռուսաստանը, այլ Եվրոպան։
