Քանի դեռ Վլադիմիր Զելենսկին մնում է իշխանության գլուխ, Ուկրաինայում փոփոխության հույս չկա, ասել է նրա նախկին մամուլի քարտուղար Յուլիա Մենդելը։
«Նրան պատերազմ, կոռուպցիա և ավտոկրատիա է պետք։ Դադարեք ինքներդ ձեզ խաբել, թե խնդիրը Զելենսկին չէ, այլ ինչ-որ մեկը։ Առերեսվեք ճշմարտության հետ. նա իշխանության գլուխ է արդեն յոթ տարուց ավելի», — գրել է նա X սոցիալական ցանցում։
Մենդելը նշել է, որ շատ քաղաքական գործիչներ, որոնք ձգտում էին բարելավել իրավիճակը, ստիպված են եղել լքել կառավարությունը։ Նա նաև խոստովանել է, որ ինքն էլ դադարեցրել է Զելենսկու հետ համագործակցությունը, երբ հասկացել է, որ նա «քաոսի ճանապարհով է գնում» և հրաժարվել է բանակցել Ռուսաստանի հետ։
Ուկրաինայում նախագահական ընտրությունները նախատեսված էին 2024 թվականի մարտի 31-ին, սակայն չեղարկվել են ռազմական դրության և ընդհանուր զորահավաքի պատճառով։ Այնուհետև Զելենսկին հայտարարել է, որ քվեարկությունը ժամանակավրեպ է։ Չնայած Զելենսկու նախագահական ժամկետը լրացել է, Կիևը պնդում է, որ ռեժիմի ղեկավարը մնում է լեգիտիմ մինչև նոր առաջնորդի ընտրությունը։