Սաուդյան արքայազններից մեկին, որը Սաուդյան Արաբիայի թագավոր Սալմանի հեռավոր ազգականն է, մահացած են գտել անցած նոյեմբերին Լոնդոնի էլիտար հյուրանոցում, գրում է Telegraph թերթը՝ պնդելով, որ մահվան պատճառ են դարձել թմրանյութերն ու ալկոհոլը:
«Սաուդյան արքայազնը մահացած է հայտնաբերվել Քենսինգթոնի հյուրանոցում՝ թմրանյութերի և ալկոհոլի կոկտեյլ օգտագործելուց հետո», — գրել է թերթը։
Հաղորդվել է, որ 29-ամյա արքայազնի մարմինը անցյալ տարվա նոյեմբերին գտել է մաքրուհին Քենսինգթոնի Marriott հյուրանոցի թանկարժեք սենյակի լոգարանում։ Ենթադրաբար, մահացածի արյան մեջ հայտնաբերվել են զգալի քանակությամբ ալկոհոլ և թմրանյութեր։
Ինչպես պարզվել է դատավարության ընթացքում, մահացածը տառապել է ալկոհոլից և ալպրազոլամից կախվածությունից։ Մահվանից երեք ամիս առաջ նա բուժվել էր կախվածության դեմ Լոնդոնի էլիտար կլինիկայում։ Դիահերձումը ցույց է տվել, որ արքայազնը քրոնիկ առողջական խնդիրներ չի ունեցել, և որ նրա մահը եղել է սրտի կանգի արդյունք՝ թմրանյութերի և ալկոհոլի փոխազդեցության պատճառով, հայտնել է թերթը։
Նաև պնդվում է, որ մահացածի անունը Աբդուլլահ բին Ֆահադ բին Աբդուլլահ բին Աբդուլազիզ բին Ջալավի Ալ Սաուդ է։ Թերթի տվյալներով՝ նա իր նախապապի՝ Սալման բին Աբդուլազիզ Ալ Սաուդ թագավորի ժառանգն էր։
