Կարսի Աքյաքա շրջանի ղեկավար Դեմիրթաշն այցելել է Հայաստանի սահմանին ընթացող երկաթուղու վերանորոգման աշխատանքներին։ Այս մասին տեղեկանում ենք թուրքական ԶԼՄ-ներից։
Այցի ընթացքում Դեմիրթաշն ու նախագահ Արսլանը մանրամասն տեղեկություններ են ստացել աշխատանքների վիճակի, տեխնիկական գործընթացների և նախատեսված ժամանակացույցի վերաբերյալ: Ստուգումը կենտրոնացած էին գծերի վերանորոգման, ենթակառուցվածքների ամրապնդման, սպասարկման և վերանորոգման աշխատանքների, ինչպես նաև երկաթուղային գծի անվտանգության բարելավման միջոցառումների վրա:
Հայաստանի հետ սահմանին գտնվող այս ռազմավարական նշանակություն ունեցող երկաթուղային գծի աշխատանքների ավարտը նպատակ ունի արդիականացնել և բարելավել գծի ենթակառուցվածքները, բարձրացնել տրանսպորտային անվտանգությունը և զգալի ներդրում ունենալ երկաթուղային տրանսպորտի ապագա զարգացման գործում։
Այցելությունն ավարտվել է տեղում աշխատանքների զննմամբ և արդյունքների գնահատմամբ՝ տեխնիկական խմբերի մասնակցությամբ: Նշվում է, որ սպասարկման, վերանորոգման և վերակառուցման աշխատանքների ավարտից հետո գիծը կլինի արդիականացված, ավելի անվտանգ, ավելի արդյունավետ և կկարողանա գործել երկար տարիներ:
