Մեկ օրում զոհվել է Բանգլադեշի նախկին վարչապետ Շեյխ Հասինայի «Ավամի լիգ» կուսակցության 29 անդամ։ Նրանց մարմինները հայտնաբերվել են հանրապետության տարբեր քաղաքներում։ Այս մասին տեղեկացրել է Dhaka Tribune թերթը։
«Ավամի լիգի» 10 կողմնակիցներ երեքշաբթի զոհվել են Սաթհիրա քաղաքում հարձակման հետևանքով, այն տեղեկությունից հետո, որ Շեյխ Հասինան հրաժարական է տվել և հեռացել երկրից։ Կուսակցության ղեկավարներին և ակտիվիստներին պատկանող տները և ձեռնարկությունները ենթարկվել են թալանի և վայրագությունների։
Քումիլա քաղաքում նախկին վարչապետի 11 կուսակիցներ զոհվել են բողոքողների ամբոխի հարձակման հետևանքով։ Վեց մարդ մահացել է չարագործների կողմից «Ավամի լիգի» շրջանային բաժանմունքի նախկին խորհրդականի եռահարկ տան հրկիզման պատճառով։
Զոհվածների մեջ կան նաև կուսակցության ակտիվիստների ընտանիքների անդամներ, նաև երեխաներ։
