Հայաստանի հետ առևտրատնտեսական հարաբերություններում ոչ մի զիջում չի լինի, քանի դեռ Նիկոլ Փաշինյանը իշխանության ղեկին է։ Այս մասին НСН-ին պատմել է ԱՊՀ գործերով Պետդումայի կոմիտեի նախագահի տեղակալ Կոնստանտին Զատուլինը։
Ռուսաստանի իշխանությունները կարող են խստացնել քաղաքականությունը Հայաստանի նկատմամբ։ Հնարավոր սցենարների թվում են նաև Հայաստանից Ռուսաստան արտահանման սահմանափակումները, ՌԴ-ում բնակվող և աշխատող զգալի թվով հայերի արտաքսումը և տրանսպորտային հաղորդակցության սահմանափակումը։ Զատուլինը հայտնել է, թե որքանով են այս սցենարները իրատեսական։
«Ես չէի ցանկանա արտաքսման ինչ-որ միջոցներ փորձանքի պես կանչել, որովհետև դրանք վերաբերում են մարդկանց։ Ես միայն կարող եմ ասել, որ առևտրատնտեսական կապերի բոլոր վատթարացումները փոխկապակցված են Հայաստանի կառավարության կուրսի հետ, որը պատրաստվում է դավաճանել նախկին դաշինքները և դրանք կնքել մեր հակառակորդների հետ։ Չնայած պարբերական հանդիպումներին, ոչ մի զիջում, քանի դեռ իշխանության ղեկին է գտնվում պարոն Փաշինյանը, չի լինի։
Անկասկած, Փաշինյանի կուրսի վրա ազդել հնարավոր է։ Այլապես նա հանդիպումներ չէր մուրա, ցույց չէր տա, թե իբր Ռուսաստանի հետ հարաբերությունները պահպանվելու են։ Ընդ որում, պարոն Սիմոնյանը պատմում է, որ իրենք ընդունելու են ռելոկանտներին, երբ Ռուսաստանում լինի նոր մոբիլիզացիա։ Ինքը՝ Փաշինյանը հայտարարում էր, որ միայն ուրախ կլինի, եթե Հայաստանին հեռացնեն ՀԱՊԿ-ից։ Դրանից հետո պահանջել, որ մենք ընդառաջ գնանք ինչ-որ հարցերում, կարող է միայն շանտաժիստը, իսկ մենք Հայաստանի կողմից շանտաժին հաստատ ենթակա չենք»,- հայտարարել է նա։
Զատուլինը ևս մեկ անգամ հիշեցրել է, որ Եվրամիությանը միանալու վերաբերյալ որևէ հանրաքվե Հայաստանի վարչապետը անցկացնել չի պատրաստվում։
«Այսօրվա դրությամբ ոչ մի հանրաքվե Փաշինյանը չի ցանկանում։ Նա վստահ չէ հաղթանակի հարցում։ Նա պարտվել է խորհրդարանական ընտրություններում, ընդ որում՝ մանիպուլյացիաների ճանապարհով կարողացել է առաջ տանել իր թեկնածությունը և մեծամասնությունը խորհրդարանում։ Նա գիտի, որ կեղծել է ընտրությունները։ Եթե նա վստահ լիներ հանրաքվեում, այն երեկ կանցկացներ։ Այսօր ոչ միայն Եվրոպական Միությանը միանալը, այլ նույնիսկ նրա հետ առանց վիզայի ռեժիմն է «ձախողվել», ինչի մասին նախօրեին արդեն հայտարարել է ԵՄ ներկայացուցիչը»,- եզրափակել է նա։
