Թյուրքագետ Վարուժան Գեղամյանը գրել է.
«Մինչ երեկ Հայաստանի խորհրդարանում հայկական ազգանուններով մի քանի մարդ արդարացնում էր Ադրբեջանի ու Թուրքիայի` մեր դեմ կատարած հանցագործություններն ու Բաքվին հեռակա խոստանում ոչ մի ձև չպայքարել վերջինի դեմ, Ադրբեջանում այս պահին նախագահ Ալիևի գլխավորությամբ միջազգային խորհրդաժողով է, որը վերնագրված է «Վերադարձի իրավունք. Հայաստանից բռնի տեղահանված ադրբեջանցիների համար արդարության վերականգնում»:
Խորհրդաժողովը նպատակ ունի «մշակել ադրբեջանցիների պատմական հայրենիք վերադարձի» մեխանիզմները: Այսինքն` դեպի Հայաստանի Հանրապետության տարածք: Հայաստանի ԱԳՆ և որևէ այլ պետական հիմնարկ, բնականաբար, ոչ մի բողոքի ձայն ու գործողություն չի անի: Ինչու՞: Լավ գիտեք»:
