Ինձ չեն զայրացնում որակումները, մեղադրանքները, վարկաբեկումները։ Դրանք պարզապես խոսում են հեղինակների քաղաքական մշակույթի մասին։ Ինձ զայրացնողը միայն մեկ բան է. փաստերի աղավաղումը։ Այս մասին գրել է ՀՀ Առաջին նախագահ Լևոն Տեր-Պետրոսյանը։
«Եթե ժամանակ է լինում, հետևում եմ մամուլին։ Ուսանելի շատ բաների էլ եմ հանդիպում, զայրացուցիչ նյութերի էլ։
Ինձ չեն զայրացնում որակումները, մեղադրանքները, վարկաբեկումները։ Դրանք պարզապես խոսում են հեղինակների քաղաքական մշակույթի մասին։ Ինձ զայրացնողը միայն մեկ բան է. փաստերի աղավաղումը։ Դժբախտաբար, նման դեպքերի շատ եմ հանդիպում։
Երբ պատմական փաստերն են կեղծվում, դա դեռ գուցե հասկանալի է, որովհետև դրանք հեռու ժամանակներին են վերաբերում և շատ-շատերին, ըստ երևույթին, ծանոթ չեն։ Բայց երբ այսօրվա փաստերն են կեղծվում, երբ երեկվա ելույթը այսօր ներկայացվում է բոլորովին այլ կերպ, սա արդեն զայրացուցիչ է։ Նրանց հույսն արդյո՞ք ժողովրդի կարճ հիշողությունն է։
Ես կարդում եմ, հետևում եմ մամուլին, դա ինձ առնվազն օգնում է, չի խանգարում։ Եթե անգամ համաձայն չեմ ինչ-որ տեսակետների, ինչ-որ քննադատությունների հետ, մեկ է՝ դրանք ինձ օգնում են զգալու մեր հասարակական-քաղաքական մտքի ջիղը։ Դա չափազանց անհրաժեշտ է ճիշտ կողմնորոշվելու և ճիշտ շեշտադրումներ կատարելու համար»,-գրել է նա։
