Սմոլենսկում մոլեգնած փոթորկի հետևանքով ավելի քան 10 ծառ է տապալվել։ Ուժեղ քամու և անբարենպաստ եղանակային պայմանների հետևանքով զոհվել են մեկ երեխա և մեկ կին։ Այս մասին հայտնել է Սմոլենսկի քաղաքապետ Ալեքսանդր Նովիկովը՝ MAX messenger-ի իր էջում։
Նրա խոսքով՝ երեխան զոհվել է «Սոլովյինայա Ռոշչա» զբոսայգում՝ ընկած ծառի տակ հայտնվելու հետևանքով։ Կինը մահացել է «Լոպատինսկի» այգում՝ նույնատիպ դեպքի արդյունքում։
Տեղական իշխանությունները բնակիչներին կոչ են անում հնարավորության դեպքում մնալ տանը և խուսափել զբոսայգիներ ու ծառաշատ տարածքներ այցելելուց։ Արտակարգ իրավիճակների դեպքում քաղաքացիներին հորդորվում է զանգահարել 112։
