Երեւան, Հայաստան,
29-ը Օգոստոսի, 2024թ.
Տրիբյուն Էյ էմ լրատվական վերլուծական հարթակն ուրախ է հայտարարել Հռիփսիմե Ջեբեջյանի՝ որպես հարթակի լրատվական ծառայության ղեկավար նշանակվելու մասին։ Լրատվական ոլորտում ավելի քան 20 տարվա փորձ ունեցող Ջեբեջյանը նոր տեսլական ու ռազմավարություն կներդնի Տրիբյուն էյ էմ ում։
Հռիփսիմե Ջեբեջյանը միանում է Տրիբյուն թիմին «Առավոտ» օրաթերթում երկարամյա աշխատանքից հետո, որտեղ ունեցել է անգնահատելի ձեռքբերումներ։
«Ես խնդիր եմ դրել իմ առջև մերօրյա խելահեղ լրահոսի մեջ ապահովել մեր ընթերցողների՝ ճշգրիտ տեղեկացված լինելու իրավունքը: Մենք մատուցելու ենք միայն ստուգված, անաչառ լրատվություն, անդրադառնալու ենք ամենացավոտ խնդիրներին, լինելու ենք հետևողական ու ապահովելու ենք իրադարձությունների օպերատիվ, բարեխիղճ լուսաբանում՝ ի նպաստ մեր պետական ու հանրային շահի: Վստահեք մեզ, դիմեք, հետևեք, միասին մենք կհասնենք արժեքային փոփոխությունների»,- նշել է Հռիփսիմե Ջեբեջյանը։
«Հռիփսիմեի փորձն ու լրագրության ոլորտում նվաճումները անկասկած Տրիբյունի լրատվական բլոկը շատ են ուժեղացնելու ու էլ ավելի բարելավեն մեր կողմից մատուցվող տեղեկատվության որակը »,-մեկնաբանում են Տրիբյուն էյ էմ հարթակից,
Որպես լրատվական ծառայության ղեկավար Հռիփսիմեն կվերահսկի խմբագրական թիմի աշխատանքը, հարթակի բովանդակությունն ու պատասխանատու կլինի Տրիբյունի՝ ժամանակին ու անաչառ տեղեկատվություն մատուցելու համար։ Զուգահեռ՝ ամեն շաբաթ, 22:00 եթեր կհեռարձակվի Հռիփսիմե Ջեբեջյանի հեղինակային փոդքասթը՝ իրադարձային վերլուծություններով։
Բաժանորդագրվե’ք Տրիբյուն Էյ Էմ ին, եղե’ք տեղեկացված
