Իրանը կոշտ և վճռականորեն կարձագանքի Միացյալ Նահանգների կողմից հուշագրի յուրաքանչյուր դրույթի ցանկացած խախտման, հայտարարել է Իրանի գերագույն առաջնորդի խորհրդական Մոհսեն Ռեզաին։
ԱՄՆ կենտրոնական հրամանատարությունը նախկինում հաստատել էր Իրանին հարվածներ հասցնելը՝ ի պատասխան Հորմուզի նեղուցում առևտրային նավի վրա ենթադրյալ հարձակման։ Ավելի ուշ իրանական զինված ուժերը հարվածներ են հասցրել Մերձավոր Արևելքում գտնվող ԱՄՆ մի քանի ռազմական տեղակայումների։
«Տարածաշրջանում իր լիազոր ուժերի գործողություններին աջակցելով՝ Միացյալ Նահանգները խախտել է փոխըմբռնման հուշագրի առաջին կետը, իսկ Հորմուզի նեղուցում լարվածություն ստեղծելով՝ խախտել է հինգերորդ կետը։ Իրանը կոշտ և վճռականորեն կարձագանքի Միացյալ Նահանգների կողմից հուշագրի յուրաքանչյուր դրույթի ցանկացած խախտման», — գրել է Ռեզաին իր պաշտոնական սոցիալական ցանցի էջում։