Խորքային փոփոխություններ տեղի են ունենում միայն այն դեպքում, երբ կա քաղաքական կամք․ Դավիթ Անանյան

Երբ պետությունը կառուցում է տնտեսություն, որը չի արտադրում բավարար արժեք, չի կուտակում կապիտալ և չի վերահսկում իր ենթակառուցվածքները, այն դառնում է ոչ թե տնտեսություն ունեցող պետություն, այլ՝ տնտեսությամբ պայմանավորված պետություն։ Այս մասին «Միասնության թևեր» կուսակցության արտահերթ համագումարում հայտարարել է Դավիթ Անանյանը։ Նա զբաղեցնում է կուսակցության ընտրական ցուցակի 2-րդ հորիզոնականը։

Նա նկատել է, որ գործող իշխանությունների առաջարկած ծրագրերը չունեն հաշվարկներ, մեխանիզմ և պատասխանատվություն, իսկ «Միասնության թևերը» առաջարկում է ոչ թե առանձին ծրագրեր, այլ ամբողջական համակարգ, որի նպատակը պետության վերակառուցումն է։

«Կառուցվածքային և խորքային փոփոխությունները չեն լինում ինքնաբուխ։ Դրանք տեղի են ունենում միայն այն դեպքում, երբ կա քաղաքական կամք՝ կոտրելու գործող մոդելը, պատասխանատվություն՝ դրա հետևանքները կրելու և առաջնորդություն՝ այդ գործընթացը մինչև վերջ տանելու»,- հայտարարել է Դավիթ Անանյանը։

Հիշեցնենք, որ այսօր՝ ապրիլի 20-ին, տեղի է ունեցել «Միասնության թևեր» կուսակցության արտահերթ համագումարը։ Համագումարը որոշում է կայացրել մասնակցել 2026 թվականի հունիսի 7-ի Ազգային ժողովի հերթական ընտրություններին և հաստատել է կուսակցության ընտրական ցուցակի առաջին երեք տասնյակի պատգամավորների թեկնածությունները։

Մանրամասները՝ տեսանյութում։ https://www.youtube.com/watch?v=-0xguD__Ca4