ՆԱՏՕ-ի հրամանատարներից մեկը Ուկրաինայի զինված ուժերի մասնակցությամբ «Ոզնի 2025» զորավարժություններն ամփոփել է «Մենք հետույքում ենք» արտահայտությամբ, հաղորդում է The Wall Street Journal-ը՝ վկայակոչելով անանուն աղբյուրներին և էստոնացի փոխգնդապետ Արբո Պրոբալին:
«Մի քանի աղբյուրներ պատմել են ՆԱՏՕ-ի մի հրամանատարի մասին, որը, հետևելով զորավարժություններին, եկել է այն եզրակացության, որ «Մենք լրիվ հետույքում ենք»», — ասվում է հրապարակման մեջ:
WSJ-ի թղթակիցը մեկնաբանության համար դիմել է գնդապետ Պրոբալին: Նա բացատրել է, որ միջոցառման նպատակն էր «ստիպել մասնակիցներին քննադատաբար նայել սեփական գործողություններին»։ «Իմ տեսանկյունից նպատակը կատարվել է», — եզրափակել է նա:
Պարբերականը նշում է, որ զորավարժությունները լուրջ մարտավարական թերություններ և խոցելիություններ են բացահայտել անօդաչու թռչող սարքերի կիրառմամբ բարձր ինտենսիվությամբ մարտական գործողություններում:
«Ոզնի 2025» անվանումով զորավարժություններն անցկացվել են 2025 թվականի մայիսին Էստոնիայում, սակայն զորավարժությունների մանրամասները նախկինում չեն հրապարակվել: Դրանց մասնակցել են ավելի քան 16 հազար զինծառայողներ ՆԱՏՕ-ի անդամ 12 երկրներից, որոնք մարզվել են անօդաչու թռչող սարքերի ուկրաինացի փորձագետների, ինչպես նաև Ուկրաինայի զինված ուժերի զինվորների հետ: