Պենտագոնի աշխատակիցները բողոքում են «քաոսից», բարոյալքման և անձնակազմի հետ կապված խնդիրների մասին Փիթ Հեգսեթի ղեկավարած գերատեսչությունում, հաղորդում է Daily Mail-ը՝ հղում անելով զինվորական և քաղաքացիական անձնակազմին։
Լրատվամիջոցը հարցազրույց է վերցրել գերատեսչության վեց աշխատակիցներից՝ թե՛ զինվորական, թե՛ քաղաքացիական, անանունության պայմանով։
«Մարդիկ պետք է իմանան, թե ինչ «բարդակ» է։ Իրավիճակը վատից վատթարանում է։ Անհավանական քաոսային և սարսափելի բարոյալքող է», — ասել է սպաներից մեկը։
Հրապարակման աղբյուրների համաձայն՝ Հեգսեթը, ենթադրաբար, կենտրոնացած է բարձրաստիճան զինվորական անձնակազմին ազատելու, պաշտոնի բարձրացումները խոչընդոտելու, անձնական հաշիվները մաքրելու, «վուկիզմի» դեմ պայքարելու և «քրիստոնեական ազգայնականության» խթանման վրա։
Մյուս զինվորականները նույնպես բողոքում են, որ Մերձավոր Արևելքում ԱՄՆ ռազմական կառույցները գտնվում են լուրջ ճնշման տակ և բավարար աջակցություն չեն ստանում։
«Կա պարանոյայի իրական զգացողություն… Նա ստեղծել է մի միջավայր, որտեղ նրա պաշարված ամրոցի մտածելակերպը սկսում է տրամաբանական թվալ, քանի որ նրա անձնակազմը նրան տեսնում է որպես կեղծավոր, խաբեբա», — նշել է մեկ այլ աղբյուր։
Բարձրաստիճան զինվորական անձնակազմի ազատումների ալիքը նույնպես քննադատության է ենթարկվում։
«Մենք կորցնում ենք տաղանդներ», — ասել է բանակի մեկ այլ աղբյուր՝ զգուշացնելով, որ երիտասարդները ապագա չեն տեսնում Զինված ուժերում:
