ԱՄՆ նախագահ Դոնալդ Թրամփը որոշում է կայացրել նոր հարվածներ չհասցնել Իրանին ՝ հանուն բանակցությունների։ Այս մասին մայիսի 23-ին հայտնել է The Wall Street Journal պարբերականը։
«Նախագահը պաշտոնական որոշում չի կայացրել, բայց իր օգնականներին ասել է, որ ցանկանում է դիվանագիտական գործընթացին ավելի շատ ժամանակ տալ արդյունքների հասնելու համար», — նշվում է հաղորդագրության մեջ։
Միևնույն ժամանակ, եթե բանակցությունները ձախողվեն, ԱՄՆ ղեկավարությունը պատրաստ է վերսկսել Իրանին հարվածներ հասցնելը։ Թրամփը իրանական պատվիրակությունից ակնկալում է պատասխաններ, որոնք նրան 100%-ով կբավարարեն։
«Մենք լիովին պատրաստ ենք գործել։ Մենք պետք է ստանանք ճիշտ պատասխաններ։ Դրանք պետք է լինեն 100% լավ պատասխաններ։ Դա կարող է օրերի հարց լինել», — Վաշինգտոնի մոտակայքում գտնվող Էնդրյուս ռազմաօդային բազայում լրագրողներին ասել է ԱՄՆ նախագահը։
Ավելի վաղ՝ մայիսի 23-ին, CBS News-ը հաղորդել էր, որ Թրամփը չեղարկել է Նյու Ջերսի նախատեսված այցը՝ Իրանի շուրջ լարվածության սրման պատճառով։
