Թուրքիան, Ադրբեջանն ու Պակիստանը եղբայրական երկրներ են՝ ընդհանուր գաղափարներով. մենք աջակցում ենք ռազմավարական գործընկերության խորացմանն ուղղված յուրաքանչյուր քայլի. այս մասին օկուպացված Արցախի Քաշաթաղի շրջանում կայացած եռակողմ գագանաժողովում ասել է Թուրքիայի նախագահ Ռեջեփ Թայիփ Էրդողանը:
«Այսօր առավոտյան բացված Լաչինի միջազգային օդանավակայանը կնպաստի տարածաշրջանի զարգացմանն ու աշխարհի հետ ինտեգրմանը։ Ցանկանում ենք, որ այս տարածաշրջանը 30-ամյա օկուպացիայից ազատագրումից հետո դառնա կայունության և զարգացման կենտրոն», — ասել է նա:
Օկուպացված Արցախի Քաշաթաղի շրջանում (Լաչին) մեկնարկել է Ադրբեջանի, Թուրքիայի և Պակիստանի ղեկավարների՝ Իլհամ Ալիևի, Ռեջեփ Թայիփ Էրդողանի և Շահբազ Շարիֆի գագաթնաժողովը:
«Մենք ևս մեկ անգամ մեր երախտագիտությունն ենք հայտնում 2020 թվականի 44-օրյա պատերազմի առաջին օրերից ի վեր Թուրքիայի և Պակիստանի՝ մեր երկրին ցուցաբերած քաղաքական և բարոյական աջակցության համար», — ասել է Ալիևը:
Հիշեցնենք, որ Ալիևն ու Էրդողանը մասնակցել են Քաշաթաղում կառուցված միջազգային օդանավակայանի բացմանը, ծանոթացել Քաշաթաղից Քարվաճառ ճանապարհի կառուցման աշխատանքներին: