Արդեն հայտնել ենք, որ Վանաձորի ոստիկանության բաժնում բռնnւթյան է ենթարկվել արցախցի երիտասարդը:
Tert.am-ին ոստիկանությունից հայտնեցին, որ դեպքն ուսումնասիրելու և բոլոր հանգամանքները պարզելու նպատակով նշանակվել է ծառայողական քննություն և որ արդյունքներն ամփոփելուց հետո կներկայացվի համապատասխան տեղեկատվություն։
ՔԿ խոսնակ Կիմա Ավդալյանն էլ Tert.am-ի հետ զրույցում նշել է, որ ոստիկանական գործողությունների վերաբերյալ դեռևս հաղորդում չեն ստացել:
Ավդալյանը միայն նշեց. «Բնակարան ապօրինի մուտք գործելու դեպքի առթիվ նախաձեռնվել է քրեական վարույթ՝ Քրեական օրենսգրքի 252-րդ հոդվածի 3-րդ մասի 1-ին կետի և 335-րդ հոդվածի 1-ին մասի հատկանիշներով: Կա մեկ տուժող»:
