Վեց ամսվա ընթացքում Հայաստանի պատմության թանգարան է այեցելել 55 հազար 837 մարդ՝ դիտելու «Մայր աստվածություն. Անահիտից Մարիամ» բացառիկ միջազգային ցուցահանդեսը. հրավիրված ասուլիսին ասաց Հայաստանի պատմության թանգարանի տնօրեն Դավիթ Պողոսյանը։
«Անկախության շրջանի թերևս ամենաայցելված ցուցադրությունը կարող ենք համարել»,-ասաց նա և նշեց, որ նման բարձր չափանիշներով միջազգային ցուցահանդեսների կազմակերպումը կլինի շարունակական։
Դավիթ Պողոսյանն ասաց, որ ցուցադրությունն իր գոյացած միջոցներով փակել է բոլոր ծախսերը, որը շատ կարևոր է թանգարանի գործառնական մասով։
«Այս ցուցահանդեսը հիմք տվեց այլ ցուցադրությունների։ Այս տարի արդեն նախատեսում ենք ցուցահանդես Լուվրի հետ։ Կարծում եմ՝ կշարունակվի նաև այլ թանգարանների հետ համագործակցությունը»,- ասաց Պատմության թանգարանի տնօրենը։